Тотехнем пропушти златна прилика да побегне од дното на табелата, откако во драматична завршница ремизираше 2-2 против Брајтон и остана на загрижувачката 18. позиција во Премиер лигата. Тимот од Северен Лондон на двапати водеше преку Педро Поро и расположениот Чави Симонс, гостите покажаа карактер и двапати се враќаа во игра, прво преку Митома пред паузата, а потоа и со шокантниот погодок на Рутер во петтата минута од судиското продолжение.
Овој кикс дополнително ја отежнува ситуацијата за Тотенхем, кој сега заостанува зад директните ривали за опстанок, Вест Хем и Нотингем Форест, додека Брајтон со овој бод се зацврсти во средината на табелата. Херојскиот настап на гостинскиот голман Фербруген и упорноста на тимот, во финишот го казнија невниманието на одбраната на домаќините, оставајќи ги навивачите на Тотенхем во неверување по уште еден разочарувачки резултат сезонава.
