Дефанзивецот на Арсенал, Бен Вајт, предвреме ја заврши оваа сезона поради сериозна повреда на лигаментите на коленото заработена на дуелот против Вест Хем. Поради ова, тој ќе ги пропушти клучните последни два натпревари во битката за титулата во Премиер лигата, како и големото финале во Лигата на шампионите против Пари Сен Жермен. Неговото отсуство претставува огромен хендикеп за тимот на Микел Артета, особено ако се земе предвид дека поради повреда надвор од стројот е и Јуриен Тимбер. Медицинскиот тим на лондонскиот клуб веќе започна со процесот на рехабилитација, со надеж дека Вајт ќе биде целосно подготвен за летните подготовки за следната сезона. Истовремено, оваа повреда го доведува под голем знак прашалник и неговиот настап за репрезентацијата на Англија и евентуалниот повик од селекторот Томас Тухел.
Проблеми за Арсенал, крај на сезоната за Бен Вајт!
