Италијанскиот гигант Интер постигна договор со искусниот англиски дефанзивец Џон Стоунс. По истекот на договорот со Манчестер Сити, тој во четврток пристигнува на лекарски прегледи и потпис.

Тренерот Кристијан Киву го чека и расплетот за Кристијан Ромеро од Тотенхем за комплетно да ја затвори одбраната. За Стоунс се интересираа и Баерн и Арсенал, но тој одлучи за првпат да заигра надвор од Островот.

Доколку се реализира и трансферот на Ромеро, Интер ќе мора да го продаде еден од актуелните дефанзивци. Клубот веќе ги има на располагање Бисек, Павар, Аканџи, Бастони и Карлос Аугусто.

Јан Орел Бисек и Алесандро Бастони се исклучително барани на пазарот. Реално е да се очекува еден од нив да го напушти Милано до крајот на преодниот рок.