Селекцијата на Франција со максимална сериозност ги продолжува подготовките на домашен терен за претстојното Светско првенство каде како актуелен вицешампион, ќе одигра уште два пријателски натпревари против Брегот на Слоновата Коска во Нант и Северна Ирска во Лил, пред официјално да го отвори мундијалскиот настап против селекцијата на Сенегал во рамките на групата каде се наоѓаат уште Ирак и Норвешка.

Искусниот стратег објасни дека столбот на одбраната Вилијам Салиба е во добра состојба, но свесно ќе биде поштеден на следниот дуел со цел правилно да се менаџира неговото физичко оптоварување, исто како и кај шестмината фудбалери кои подоцна се приклучија на подготовките поради настапот во финалето на Лигата на шампионите, па затоа во следните контроли минутажата ќе биде внимателно распределена за да се почит ува нивната емоционална и физичка потрошеност.

Кормиларот на Французите откри дека веќе го има во главата стартниот состав за премиерниот меч против Сенегал, но предупреди дека во група со 26 фудбалери каде секој поединец има огромна желба да биде во почетните единаесетмина, стручниот штаб мора да биде исклучително внимателен за да ја контролира суетата и да спречи евентуални разочарувања меѓу играчите кои ќе останат на клупата.