Вардар ги брои деновите до стартот на европската сезона, каде што ќе има тежок предизвик против финскиот КуПС во квалификациите. Во пресрет на двомечот, УЕФА ги објави и арбитрите кои ќе ја делат правдата на двата натпревари. Првиот дуел ќе се одигра на 7 јули на Националната арена „Тодор Проески“ во Скопје, со почеток од 19:00 часот. Главен судија ќе биде турскиот арбитар Кадир Саглам, а негови помошници ќе бидат сонародниците Анил Уста и Мехмет Салих Мазлум.

Реваншот е закажан за 14 јули во Финска, каде правдата ќе ја дели шкотска судиска екипа. Главен арбитар ќе биде Метју МекДермид, а покрај него ќе судат и асистентите Кристофер Рае и Даглас Потер. „Црвено-црните“ ќе се обидат да обезбедат позитивен резултат во Скопје пред гостувањето кај финскиот претставник и да направат чекор кон следната квалификациска рунда.