Манчестер Сити ќе остане без еден од своите најважни фудбалери во наредниот период, откако Родри ќе мора да биде подложен на операција на грбот. Засега не е познато колку ќе трае неговото закрепнување, па останува неизвесно кога повторно ќе се врати на терените. Шпанскиот репрезентативец зад себе има одлично Светско првенство, каде што како капитен ја предводеше својата селекција до шампионската титула. Родри беше стартер на сите осум натпревари на Шпанија, а по завршувањето на турнирот беше прогласен и за најдобар фудбалер на Мундијалот.

Покрај здравствените проблеми, неизвесна останува и неговата клупска иднина. Договорот со Манчестер Сити му истекува следното лето, а засега нема индиции дека двете страни се блиску до продолжување на соработката. Во изминатиот период сè почесто се шпекулира дека Реал Мадрид внимателно ја следи ситуацијата, додека самиот Родри во неколку наврати истакна дека би сакал во одреден момент од кариерата повторно да настапува во својата татковина.