Порто направи неочекуван потег надвор од трансферниот период и го доведе искусниот англиски дефанзивец Крис Смолинг. Португалскиот гигант официјално го потврди ангажманот на 36-годишниот централен бек, кој на „Драгао“ пристигнува како слободен агент.

Смолинг потпиша договор до крајот на сезоната, со можност соработката да биде продолжена за уште една година. Неговото искуство треба да му помогне на тимот на Франческо Фариоли во продолжението од сезоната. Порто моментално има проблеми во централниот дел од одбраната, особено по повредата на Неуен Перес. Во исто време, Доминик Перхич не успеа целосно да ја наметне својата улога покрај полскиот тандем Јан Беднарек – Јакуб Кивиор.

За Смолинг ова претставува враќање на европската сцена по две сезони минати во Саудиска Арабија, каде што настапуваше за Ал-Фајха. Англичанецот во последниот период беше без клуб, но сега доби можност повторно да игра на највисоко ниво. Во кариерата Смолинг остави сериозна трага во Манчестер Јунајтед и Рома. Со англискиот клуб ја освои Лигата на Европа во сезоната 2016/17, додека со Рома триумфираше во Конференциската лига во сезоната 2021/22.

Иако беше слободен агент, Смолинг наводно прифатил финансиски отстапки за да го реализира трансферот во Порто. Проектот на португалскиот клуб го убедил искусниот дефанзивец да прифати ново европско предизвикување и повторно да се врати во центарот на вниманието.