Јанис Адетокумбо пристигна во Милвоки во 2013 година како 15-ти пик на НБА драфтот. Врвот на соработката беше постигнат во 2021 година со освојувањето на шампионскиот прстен. Сега изгледа дека е дојдено време за дефинитивно разделување меѓу двете страни.

Со месеци се шпекулираше за неговата дестинација, а Портланд веќе испрати моќна понуда. Инсајдерот Еван Сидери пренесува дека тимот од Орегон подготвил богат пакет за Милвоки. Во понудата се вклучени кошаркарите Скот Хендерсон, Џереми Грант и Јанг Хансен. Покрај нив, Милвоки би добил и пикови од првата рунда за следните пет години.

Портланд досега не се споменуваше како реална опција за кариерата на популарниот „Грик Фрик“. Во игра главно беа Њујорк, Мемфис и Мајами, каде самиот Јанис претходно изрази желба да игра. Зад Гркот е тешка сезона бидејќи поради повреди одигра само 36 натпревари. Сепак, тој и понатаму доминира со просек од 24,1 поени, 9,9 скокови и 5 асистенции по меч.