Мајами Хит продолжува активно да го гради тимот за новата НБА сезона, а најново засилување е искусниот бек Тим Хардавеј Џуниор, кој потпиша едногодишен договор вреден 6,5 милиони долари. Хардавеј во Мајами пристигнува по солидната сезона со Денвер Нагетс, каде што настапи на 80 натпревари и во просек бележеше 13,5 поени, притоа реализирајќи 40,6 проценти од обидите за три поени – најдобар шутерски учинок во неговата кариера.

Во редовите на Хит се очекува да донесе дополнителна сигурност во шутот од дистанца и поголема офанзивна длабочина, особено како важен адут од клупата. Клубот верува дека неговото искуство и способноста да погодува во серија ќе бидат значајни во борбата за висок пласман во Источната конференција. За Хардавеј ова ќе биде шести клуб во НБА-лигата, откако претходно ги носеше дресовите на Њујорк, Атланта, Далас, Детроит и Денвер.

Мајами во изминатиот период веќе испрати силна порака на трансфер-пазарот со ангажманот на Јанис Адетокумбо и продолжувањето на соработката со Ендрју Вигинс, а доаѓањето на Хардавеј дополнително ги зголемува амбициите на тимот за претстојната сезона.

Hardaway agreed to a one-year, $6.5 million deal with the Heat, sources said. Miami officials finalized the deal with Mark Bartelstein of @PrioritySports tonight. https://t.co/c47Tx4D1KX

— Shams Charania (@ShamsCharania) June 30, 2026