Шпанскиот стратег Џоан Пењароја доби нов долгорочен договор од раководството на Партизан како награда за одличните резултати во АБА лигата.

Иако белградските „црно-бели“ го загубија првиот финален натпревар против Дубаи, раководството на клубот покажа максимална верба во шпанскиот стручњак. Пењароја успеа да го подигне тимот по хаотичниот зимски период и заминувањето на легендарниот Жељко Обрадовиќ, кога многумина беа скептични за неговото доаѓање во Белград. Поранешниот тренер на Барселона брзо ги демантираше критичарите, ја стабилизираше формата и воведе комплетен ред во екипата, а како круна на добрата работа дојде убедливиот триумф од 2:0 над Црвена Ѕвезда во полуфиналето.

Како што пренесуваат српските медиуми, поранешниот шеф на стручниот штаб на Андора и Басконија стави потпис на нова соработка со која и официјално се „заклучи“ на клупата на Партизан до крајот на 2028 година. На овој начин, клубот му даде долгорочна доверба во моментите кога тој ја предводи битката за регионалниот трофеј.