Црвена звезда го доби 180. вечно дерби, откако на својот „Рајко Митиќ“ славеше против Партизан со 2:1 и направи голем чекор кон освојување на шампионската титула. Партизан започна фантастично и поведе уште во 54. секунда, што е најбрзиот гол во историјата на вечити дерби. По одбиената топка од Матеус, Же беше на вистинското место и ја затресе мрежата за 0:1.

Сепак, предноста на гостите траеше само 16 минути. Иванќ го пронајде Диенг со одличен центаршут, а новото засилување на Звезда со гол на дебито го израмни резултатот. Домаќините продолжија со притисокот, а по интервенција на ВАР добија пенал во 25. минута. Иванќ беше сигурен од белата точка за целосен пресврт и 2:1.

Партизан во продолжението се обидуваше да стигне до израмнување, а најблиску до тоа беше Вукотиќ, кој во второто полувреме ја погоди пречката. Звезда, од друга страна, имаше огромна можност да го реши натпреварот преку Букари, кој излезе сам пред голманот, но не успеа да реализира.

До крајот „црно-белите“ не најдоа начин да стигнат до втор гол, па Звезда ја прослави петтата последователна победа во вечитите дербија. Со овој триумф, Црвена звезда има дури 11 бодови повеќе од Партизан и натпревар помалку, со што „црно-белите“ практично се простија од шампионската трка. Звезда сега останува во директна битка со Војводина за првото место.