Кошаркарите на Монако останаа во игра за шампионската титула откако убедливо го совладаа Париз со 96-84 и ја израмнија финалната серија на 2-2. Домаќините одиграа одличен натпревар и уште во првото полувреме создадоа висока предност која гостите не успеаја да ја загрозат. Во еден момент разликата достигна и 30 поени, што практично го реши победникот многу пред крајот.

Најзаслужен за триумфот беше Стразел со 20 поени и девет асистенции, додека Блосомгејм додаде 16 поени. На спротивната страна, Хифи беше прво име кај Париз со 20 поени. Така, шампионската титула во Франција ќе биде решена во петтиот и последен натпревар, кој на програмата е за два дена.