Селекторот на Иран, Амир Галеној, јавно проговори за проблемите со кои неговата репрезентација се соочува за време на Светското првенство, истакнувајќи дека најголемите предизвици не се на теренот, туку надвор од него.

Според него, иранската делегација се соочила со бројни административни и организациски пречки уште пред почетокот на турнирот. Подготовките биле нарушени поради доцното пристигнување во САД, а на дел од членовите на стручниот штаб и медиумскиот тим не им било дозволено да патуваат со репрезентацијата.

Галеној смета дека ваквите околности негативно влијаеле врз атмосферата во националниот тим и не се во духот на едно светско фудбалско натпреварување. Тој порача дека играчите и покрај сите потешкотии остануваат максимално посветени и настапуваат со гордост за својата земја.

На крајот, искусниот стратег изрази надеж дека тензиите ќе бидат надминати и дека во иднина спортот ќе биде простор што обединува, а не поле на политички и други поделби.