На помалку од еден час до официјалниот старт на Светското првенство, сè е подготвено за невиден музичко-сценски спектакл на стадионот „Ацтека“ во Мексико Сити. Пред на теренот да истрчаат репрезентациите на Мексико и Јужна Африка, присутните на стадионот и милионите пред малите екрани ќе уживаат во богата програма која започнува деведесет минути пред натпреварот. Централниот дел од церемонијата е резервиран за премиерната изведба на официјалната мундијалска химна „Dai Dai“, која заедно ќе ја отпеат Шакира и Бурна Бој, а покрај нив ќе настапат и голем број латино и светски ѕвезди како Џеј Балвин, Тајла, Белинда и рок-групата Мана.
Оваа официјална песна е дел од поширока хуманитарна иницијатива на ФИФА за образование, чија цел е за време на првенството да се соберат 100 милиони долари за подобрување на училишните и спортските услови на децата ширум светот. Веднаш по вечерашното отворање во Мексико, мундијалската треска утре се сели и кај преостанатите два домаќини. Во Торонто, пред дуелот меѓу Канада и Босна и Херцеговина, забавата ќе ја предводат Аланис Морисет и Мајкл Бубле, додека во Лос Анџелес атмосферата пред мечот САД – Парагвај ќе ја запалат Кети Пери, Фјучер, Анита и Лиса.
IT’S TIME! ⚽️ ¡LLEGÓ LA HORA!@FIFAWorldCup @Shakira
June 11
🇺🇸 Los Angeles — 10:30 AM
🇲🇽 Mexico City — 11:30 AM
🇨🇴 Bogotá — 12:30 PM⁰🇺🇸 New York / Miami — 1:30 PM⁰🇧🇷 São Paulo — 2:30 PM⁰🇦🇷 Buenos Aires — 2:30 PM⁰🇬🇧 London — 6:30 PM⁰🇪🇸 Madrid — 7:30 PM⁰🇫🇷 Paris — 7:30 PM… pic.twitter.com/WIh33yu93A— ShakiraMedia (@ShakiraMedia) June 11, 2026