По големиот триумф во дербито против Шкендија, на тревата на Арената „Тодор Проески“ следуваше официјалниот и најсвечен дел од шампионската забава. Претседателот на Фудбалската федерација на Македонија (ФФМ), Масар Омерагиќ, лично му го предаде златниот пехар на новиот македонски првак, означувајќи го почетокот на големото славење на „црвено-црните“.

По завршувањето на церемонијата, првиот човек на македонскиот фудбал упати официјална честитка до новиот владетел на домашната сцена, посакувајќи му успешна летна авантура на меѓународна сцена:

„Честитки до Вардар за заслужено освоената шампионска титула и за сè што прикажаа оваа сезона. Им посакувам многу успех во европските предизвици и нови големи моменти за клубот и навивачите.“, изјави Омерагиќ.