Фудбалската репрезентација на Франција ги заврши подготвителните натпревари пред почетокот на Светското првенство. „Триколорите“ во генералната проба славеа против Северна Ирска со 3:1, а херој на мечот беше фантастичниот Мајкл Олисе.

Напаѓачот на Баерн Минхен постигна хет-трик со головите во 43-та, 49-та и 74-та минута од натпреварот. Со оваа извонредна партија тој целосно ги засени првите ѕвезди Килијан Мбапе и Осман Дембеле. Селекторот Дидие Дешам не го криеше своето воодушевување од играта на Олисе на теренот во Лил.

Сепак, искусниот стратег веднаш испрати и јавно предупредување до целиот тим пред заминувањето преку Атлантикот. Дешам нагласи дека фудбалот не е индивидуален спорт и дека за голем резултат е потребен придонес од сите. Тој додаде дека дел од ѕвездите на ПСЖ, кои ја освоија Лигата на шампионите, сè уште ја штедат енергијата.

Франција се наоѓа во групата И заедно со селекциите на Сенегал, Ирак и Норвешка. Французите го започнуваат мундијалскиот пат против незгодниот Сенегал. Дешам порача дека тимот мора да биде на својот максимум уште од самиот старт на турнирот.