Оклахома Сити Тандер е на чекор до финалето на Западната конференција откако во Лос Анџелес ги прегази Лејкерс со убедливи 131:108, преземајќи огромно водство од 3-0 во серијата. Иако „Лејкерси“ водеа на полувремето, актуелниот шампион во третиот период ја покажа својата моќ и со агресивна одбрана и брза транзиција целосно го скрши отпорот на домаќинот.
Херој на вечерта беше младиот Мичел со рекордни 24 поени и 10 асистенции, преземајќи ја одговорноста во моментите кога Шeј Александер немаше своја најдобра шутерска вечер, но стигна до 23 поени. Покрај Мичел, Чет Холмгрен повторно беше господар во рекетот со 18 поени, додека кај Лејкерс најефикасен беше Руи Хачимура со 21 поен, пред Леброн Џејмс кој застана на 19 постигнати поени.
Оваа победа значи дека Оклахома останува непоразена во овогодишниот плеј-оф со совршени 7-0, покажувајќи неверојатна ширина во тимот дури и без повредениот Џејлен Вилијамс. Со оглед на моменталната форма, на Лејкерс им преостанува само тешката задача да се обидат да избегнат елиминација со максимален пораз во наредниот натпревар.
