Селекторот на германската фудбалска репрезентација, Јулијан Нагелсман, се наоѓа на самиот излез од националниот тим по големото разочарување и раната елиминација од Парагвај уште во шеснаесетфиналето на Светското првенство. Како што јавува добро информираниот германски новинар Флоријан Плетенберг, челниците на тамошната федерација веќе оствариле контакт со селекторот и директно му советувале сам да се повлече од функцијата.

Доколку актуелниот предводник одбие доброволно да си замине, планот на сојузот е еднострано да ја прекине соработката и да му врачи отказ, со оглед на тоа што довербата во него е целосно загубена.

Младиот стратег во текот на денот имал итен состанок со раководството на ДФБ, каде што поднел извештај и се обидел да ги образложи причините за мундијалскиот дебакл, но неговите оправдувања очигледно не наишле на разбирање кај челниците. Нагелсман во овој момент технички сè уште ја извршува селекторската улога, но јасно е дека неговиот престој на клупата е максимално компромитиран.

Официјалната разрешница и конечниот став на сојузот околу неговата смена се очекуваат во наредните неколку дена, по што „Панцерите“ најверојатно ќе започнат нова ера со нов предводник.