Селекторот на Шкотска, Стив Кларк, го објави финалниот список од 26 фудбалери кои ќе патуваат на Светското првенство во САД, Мексико и Канада. Најголема сензација на списокот е повикувањето на 43-годишниот искусен голман Крег Гордон, кој и покрај тоа што нема натпреварувачки минути од јануари, доби доверба поради својата отпорност и лидерски карактер.
Во нападот, поради повредата на Томи Конвеј, во тимот се враќа Кинг Рос Стјуарт од Саутемптон, кој по четиригодишна пауза одново ќе го облече националниот дрес благодарение на одличната голгетерска форма изминативе месеци. Од друга страна, најзвучното име кое отпадна од комбинација е 19-годишниот талент Ленон Милер од Удинезе, бидејќи Кларк се одлучи за поголем баланс и предност му даде на дополнителен напаѓач наместо играч од средниот ред. Шкотланѓанците ќе се натпреваруваат во групата Ц каде за противници ги имаат Хаити (14 јуни), Мароко (19 јуни) и Бразил (24 јуни), а пред почетокот на турнирот ќе одиграат и два контролни меча против Курасао и Боливија.
Комплетниот состав на Шкотска за Светското првенство:
Голмани: Крег Гордон (Хартс), Ангус Ган (Нотингем Форест), Лијам Кели (Ренџерс).
Одбрана: Грант Ханли (Хиберниан), Џек Хендри (Ал Етифак), Арон Хики (Брентфорд), Дом Хајам (Врексем), Скот МекКена (Динамо Загреб), Натан Патерсон (Евертон), Ентони Ралстон (Селтик), Енди Робертсон (Ливерпул), Џон Сутар (Ренџерс), Киран Тирни (Селтик).
Среден ред: Рајан Кристи, Финдли Куртис (Килмарнок), Луис Фергусон, Бен Ганон-Доак, Били Гилмор, Џон МекГин (Астон Вила), Кени МекЛин, Скот МекТоминај (Манчестер Сити).
Напад: Че Адамс, Линдон Дајкс, Џорџ Хирст, Лоренс Шенкленд (Хартс), Росс Стјуарт (Саутемптон).
