Филаделфија продолжува да го засилува својот состав за новата сезона, а најново име во тимот е искусниот Кентевиус Колдвел-Поуп. Клубот официјално го потврди потписот на двократниот НБА шампион, без да ги открие финансиските детали од договорот.

Колдвел-Поуп зад себе има богато искуство во најсилната кошаркарска лига во светот, а шампионските прстени ги освои со Лос Анџелес Лејкерс во 2020 година и Денвер Нагетс во 2023 година. Минатата сезона настапуваше за Мемфис Гризлис, каде на 51 натпревар имаше просек од 8,4 поени, 2,7 асистенции и 2,5 скока. Искусниот бек е познат како еден од најдобрите играчи во дефанзива на својата позиција, но и како сигурен шутер за три поени. Во својата кариера одигра речиси 1.000 натпревари во НБА, настапувајќи за Детроит, Лејкерс, Вашингтон, Денвер, Орландо и Мемфис.

Во Филаделфија ќе го носи дресот со број 1 и ќе биде уште едно важно оружје во амбициозниот тим кој ова лето се засили со неколку звучни имиња во битката за шампионската титула.