Норвешкиот фудбалски сојуз најави дека ќе поднесе официјална жалба до ФИФА поради, како што тврди, недозволеното политичко влијание врз одлуката за укинување на суспензијата на американскиот репрезентативец Фоларин Балогун за време на Светското првенство. Претседателката на сојузот, Лисе Клавенес, смета дека случајот претставува сериозен преседан и предупредува дека мешањето на политиката во фудбалските одлуки може да ја наруши независноста и интегритетот на спортот.

Балогун првично доби директен црвен картон по остар старт, што автоматски носеше суспензија за следниот натпревар. Сепак, ФИФА подоцна ја поништи казната и му дозволи да настапи во осминафиналето против Белгија, повикувајќи се на одредби од дисциплинскиот правилник. Дополнителни реакции предизвика изјавата на американскиот претседател Доналд Трамп, кој јавно призна дека побарал повторно разгледување на случајот. Иако нагласи дека никому не наредувал како да постапи, неговите зборови отворија бројни прашања околу евентуалното политичко влијание врз одлуките на ФИФА.

Од Норвешкиот фудбалски сојуз сега бараат раководството на светската куќа на фудбалот да признае дека во целиот процес биле направени пропусти, оценувајќи дека почитувањето на правилата мора да биде еднакво за сите учесници.