Поразот на Аргентина во финалето на Светското првенство предизвика немирна ноќ во Буенос Аирес. Наместо мирно собирање за поддршка на националниот тим, проследено со аплауз за фудбалерите, центарот на аргентинската престолнина стана сцена на судири меѓу дел од навивачите и полицијата. Според аргентинските медиуми, најмалку 15 лица биле приведени во инцидентите што се случиле во близина на познатиот Обелиск, каде илјадници навивачи се собрале по завршувањето на финалниот натпревар.
Во еден момент ситуацијата излегла од контрола, откако група лица почнала да фрла камења и шишиња кон полициските сили, а неколкумина се качиле и на заштитната ограда околу споменикот. Во нередите биле повредени неколку полицајци, а биле пријавени и кражби на мобилни телефони и лични предмети. Безбедносните сили реагирале со солзавец и водени топови за да ја растурат толпата и да воспостават ред во центарот на градот.
Аргентина во финалето беше поразена од Шпанија со 1-0 по продолженија, а победничкиот погодок го постигна Феран Торес во 106. минута по асистенција на Нико Вилијамс.
🚨 BREAKING: Reports indicate that unrest has erupted in Buenos Aires, Argentina, with videos circulating online showing disturbances in parts of the city. The cause of the unrest and the full extent of the situation remain unclear, and authorities have not yet released complete… pic.twitter.com/CWWvZrlRx3
— Geopolitics Now (@GeopoliticsN360) July 20, 2026