Од таборот на петкратниот светски првак Бразил пристигнуваат одлични вести за навивачите. Главната ѕвезда на тимот, 34-годишниот Нејмар, за првпат тренираше со соиграчите откако репрезентацијата пристигна во Њу Џерси. Напаѓачот, кој се рехабилитира од повреда на десниот лист, најпрво работеше индивидуално, а потоа се вклучи и во дел од тимските активности, со што се подгреаа надежите дека ќе може да настапи на следниот меч против Хаити во Филаделфија.

Сепак, Бразилската фудбалска федерација и селекторот Карло Анчелоти немаат намера да ризикуваат со предвремено враќање на теренот. Искусниот ас ја обнови повредата на неодамнешниот клупски натпревар против Коритиба (0:3), што беше само продолжение на малерите кои го оддалечија од националниот дрес речиси три години.

По разочарувачкото реми од 1:1 против Мароко на стартот, притисокот врз „селесао“ е огромен. Токму затоа, враќањето на Нејмар во вистински ритам се смета за клучен фактор во мисијата на Бразил да стигне до долгоочекуваната шеста мундијалска титула.