Новата сезона во НБА лигата започна со огромен интерес кај американската публика, а првата натпреварувачка недела донесе историски резултати во телевизиската гледаност. Според официјалните податоци објавени од лигата, натпреварите на неколку телевизиски и дигитални платформи ги следеле речиси 50 милиони гледачи, што претставува зголемување од 34 проценти во споредба со истиот период минатата сезона.

За популарноста на најсилната кошаркарска лига во светот говори и податокот дека дури осум натпревари во воведната недела имале просечна гледаност од најмалку два милиони луѓе. Со тоа беше поставен нов рекорд, а позитивниот тренд продолжи и во следните денови, со зголемен интерес на повеќе телевизиски канали и стриминг-платформи.

Еден од најгледаните натпревари беше дуелот меѓу Њујорк Никс и Филаделфија, кој заврши со победа на гостите. Средбата на платформите NBC и Peacock во просек ја следеле 7,71 милиони гледачи, додека во најгледаниот момент бројката достигнала 9,1 милион. Ова е најгледаниот вечерен натпревар на отворањето на една НБА сезона во историјата.

Одлични резултати забележа и ESPN, чии четири преноси во првата недела имале просечна гледаност од 2,3 милиони луѓе, што е најдобар резултат за овој период уште од 2014 година. Натпреварот меѓу Филаделфија и Кливленд привлекол просечно 2,5 милиони гледачи, додека пресметката меѓу Денвер и Оклахома Сити ја следеле 1,8 милиони луѓе.

Успешен старт имаше и Amazon Prime Video, кој со две последователни средби од регуларниот дел на сезоната го забележа најгледаниот програмски настан во својата историја. По рекордната гледаност на минатогодишното финале меѓу Њујорк и Сан Антонио, НБА уште еднаш потврди дека интересот за кошарката во САД продолжува да расте.

Tuesday’s 76ers-Knicks and Thunder-Spurs doubleheader was the NBA’s most-watched opening night ever, averaging 6.41 million viewers on NBC/Peacock.

The 76ers’ victory over the Knicks was the league’s most-watched primetime opening night game ever, averaging 7.71 million viewers and peaking at 9.1 million viewers at 9:45 p.m. ET.

American Express NBA Tip-Off – which also featured an afternoon matchup between the Celtics and Pistons – generated more than 700 million views across social media, an opening night record.

— NBA Communications (@NBAPR) October 22, 2026