Сан Антонио Спарси се пласираа во големото НБА финале. Тие во седмиот натпревар ја победија Оклахома со 111:103 на гостински терен. Со овој триумф Спарси ја завршија шампионската одбрана на Тандери пред нивните навивачи. Во битката за прстенот тие ќе ги одмерат силите против Њујорк Никс.

Францускиот џин Виктор Вембањама повторно беше клучна фигура на теренот. Мечот го заврши со 22 поени, 7 скока и го понесе признанието за МВП на Западот. Гостите погодија дури 17 тројки, а Шампени блесна со 20 поени во клучните моменти. Одличен придонес дадоа и Касл со 16 и Фокс со 15 поени.

Оклахома влезе во овој дуел сериозно ослабена без повредените Џејлен Вилијамс и Мичел. Шеј Гилџус-Александер одигра силен натпревар и постигна дури 35 поени за својот тим. Сепак, тој немаше вистинска поддршка бидејќи Чет Холмгрен потфрли и реализираше само 4 поени.

Спарси ја контролираа играта уште во првата четвртина и брзо поведоа со 32:25. На полувремето резултатот гласеше 56:53, иако домаќините притиснаа преку разиграниот Шеј. Тандери накратко поведоа во третата четвртина, но гостите веднаш вратија со серија од 11:2.

Во четвртата четвртина Сан Антонио направи клучна предност и поведе со убедливи 97:86. Домаќините се обидоа да се вратат кога Вембањама седна на клупата поради лични грешки. Кејсон Волас погоди 4 тројки во овој период и намали на 109:103 во последната минута. Сепак, Спарси останаа мирни од линијата за слободни фрлања и го заверија пласманот во финалето.