Преодниот рок во Германија штотуку започна, а Баерн Минхен веќе потроши неверојатни 100 милиони евра за само неколку дена. По Исмаел Саибари, баварскиот гигант го промовираше и младиот Натаниел Браун. За услугите на левиот бек, Ајнтрахт Франкфурт ќе инкасира сигурни 50 милиони евра, со можност за уште пет преку бонуси, со што 23-годишниот германски дефанзивец потпиша петгодишен договор и стана едно од најскапите засилувања во историјата на клубот.

Браун пристигнува во Минхен за да ја покрие левата бековска позиција, каде што го чека директна битка за минутажа со Алфонсо Дејвис. Канадскиот репрезентативец со право треба да биде загрижен за својот статус, со оглед на честите повреди и огромното богатство што Баерн го вложи во неговиот нов конкурент. Младиот фудбалер веќе покажа извонреден потенцијал во Франкфурт, каде што минатата сезона ја заокружи со четири погодоци и шест асистенции во сите натпреварувања.

Новиот дефанзивец на Баерн летово беше прв избор на Јулијан Нагелсман на Светското првенство, а веднаш по елиминацијата на Германија од Парагвај допатува во Минхен за да го комплетира трансферот на кариерата. Генералниот директор Јан-Кристијан Дрезен истакна дека привлекувањето млади германски таленти е дел од традицијата на клубот, додека самиот Браун откри дека тренерот Венсан Компани имал клучна улога во преговорите и целосно го воодушевил со својата визија за неговиот натамошен развој.