Предводникот на англиската репрезентација, Томас Тухел, ги изненади англичаните со прилично интересна порака упатена до родителите пред големото мундијалско дерби против Мексико во осминафиналето. Бидејќи натпреварот во Мексико Сити се игра во тежок ноќен термин од два часот по полноќ меѓу недела и понеделник, на Островот се разви сериозна дебата во јавноста околу тоа дали децата треба да останат будни до толку доцна, особено што училишниот распуст сè уште не е започнат.

Германскиот стратег сепак немаше никаква дилема и преку медиумите ги повика семејствата на флексибилност, порачувајќи им слободно да им напишат оправдание на децата за на училиште бидејќи часови ќе има секогаш, но Светското првенство се игра на секои четири години.

Тухел потенцираше дека на неговиот тим му е неопходна комплетна поддршка од целата нација, а особено од најмладите навивачи кои со својата искрена енергија можат да донесат дополнителен мотив на теренот. Пресметката против домаќинот на турнирот носи огромен притисок за фудбалерите, па затоа предводникот на „Трите лава“ смета дека за овој фудбалски празник вреди да се направи мал компромис со домашниот ред, бидејќи фановите можат да бидат клучниот ветер во грб за пласман во следната фаза.