Светското атлетско првенство во 2029 година ќе има историски домаќин. Најголемото натпреварување во атлетика за првпат ќе се одржи на африканскиот континент, откако главниот град на Кенија, Најроби, официјално беше избран за организатор. Одлуката претставува значаен момент за кениската атлетика, која со децении има особено силна традиција, пред сè во дисциплините на долги патеки. И покрај големиот број успешни атлетичари, Кенија досега немала можност да биде домаќин на најголемата светска атлетска манифестација.
Претседателот на Светската атлетика, Себастијан Коу, го опиша изборот на Најроби како историски чекор.
„Организацијата на шампионатот во Африка за првпат ќе биде историски момент за атлетиката. Овој спорт е длабоко вкоренет во Кенија“, изјави Коу.
Тој додаде дека кандидатурата на Најроби оставила силен впечаток и дека градот покажал дека е подготвен за големиот предизвик. Во конкуренција за домаќин на Светското првенство во 2029 година бил и Лондон, но предноста му припадна на кенискиот главен град. Најроби претходно се кандидираше и за организација на шампионатот во 2025 година, но тогаш изборот падна на Токио. Светската атлетика воедно потврди дека Светското првенство во 2031 година ќе се одржи во Минхен, Германија.
View this post on Instagram