Иако Реал Мадрид извојува победа над Виљареал, триумфот остана во сенка на огромен хаос и лавина нерасчистени сметки. Исклучувањето на Винисиус Жуниор, глемите негодувања на целата клупа предводена од Жозе Мурињо и серијата од дури шест жолти и еден црвен картон за „кралевите“, создадоа запаллива атмосфера која португалскиот стратег сега очајнички се обидува да ја стави под контрола пред клучниот дел од сезоната.

Натпреварот влезе во тотална нервоза во моментот кога ВАР-собата го поништи погодокот на Винисиус за 2:0, по што Бразилецот набрзо заработи и исклучување. Мурињо, кој веќе го славеше голот, се фати за глава, а остатокот од мечот се претвори во жестока дефанзивна битка за сочувување на минималната предност со десетмина на теренот. Свесен за тежината на ситуацијата, Португалецот по последниот судиски свиреж донесе радикален потег и одби да се појави пред медиумите, одлука донесена со цел да избегне суспензија која би го исфрлила од претстојното „Ел Класико“.

Во соблекувалната, и покрај извинувањето од Винисиус до соиграчите и навивачите, немирот е очигледен бидејќи формулацијата во судискиот извештај отвора можност за подолга казна за бразилската ѕвезда. Сепак, португалскиот стручњак му стави до знаење на тимот дека фрустрациите мора итно да се сопрат. Пораката на Мурињо до соблекувалната е повеќе од јасна, борбата со судиите ќе ја води раководството надвор од теренот, додека фудбалерите мора да ги исконтролираат емоциите и да не дозволат скандалите да им ја уништат сезонава.