Жозе Мурињо испрати емотивна порака до навивачите на Рома, откако при неодамнешното враќање на „Олимпико“ доби топол пречек од приврзаниците на италијанскиот клуб. Тренерот на Реал Мадрид се огласи на социјалните мрежи два дена по драматичната победа на неговиот тим од 4-3 во Лигата на шампионите. И покрај поразот на Рома, навивачите не го заборавија периодот во кој Португалецот го предводеше нивниот тим, поздравувајќи го со транспаренти и скандирања.

„Кога најубавите моменти од долгата кариера не се головите или победите, туку емоциите за кои можам само скромно да изразам благодарност. Ви благодарам, Рим, ви благодарам, навивачи на Рома. Емоции и вечна благодарност кон вас. Жозе“, напиша Мурињо.

Португалскиот стратег помина две и пол години во Рим, период во кој го предводеше клубот до трофејот во Конференциската лига на УЕФА во сезоната 2021/22, а следната сезона стигна и до финалето на Лига Европа. Неговото заминување во јануари 2024 година остави силен впечаток кај дел од навивачите, кои со пречекот на последното гостување уште еднаш покажаа дека не ги заборавиле успесите и емоциите од неговиот престој во клубот.