Заминувањето на Кристијано Роналдо од кампот на португалската репрезентација во Копенхаген го означи крајот на една историска ера по цели 23 години, а во јавноста излегоа нови шокантни детали за односите зад кулисите. Според шпанскиот весник „АС“, одредени кандидатски имиња за наследник на Роберто Мартинез дури и го условувале преземањето на националниот тим со отсуството на Роналдо, а меѓу нив бил и Жозе Мурињо.

Тензиите во таборот на Португалија се таложеле со месеци, а ескалираа откако новиот селектор Жорже Жесус реши да го остави капитенот на клупата за резерви на мечот против Норвешка. Раководството на Португалската фудбалска федерација се надеваше дека Роналдо сам ќе се повлече по Светското првенство за да се избегне вакво сценарио, но бидејќи тој не објави официјално пензионирање, Жесус повторно го стави на списокот.

При заминувањето од кампот во Копенхаген, Роналдо им посака среќа на соиграчите, што португалските медиуми го протолкуваа како негово конечно збогување од националниот дрес. Со ова, легендарниот напаѓач најверојатно ја завршува својата репрезентативна кариера во која запиша рекордни 234 настапи и 146 постигнати голови.