Минесота на домашен терен повторно славеше над Денвер, овој пат со 112:96 и дојде на само чекор од пласман во полуфиналната фаза. Има Денвер за што да жали во овој меч затоа што имаше предност во поголемиот дел од мечот, се до пред крајот на третата четвртина кога Минесота го сврте резултатот во своја корист, а во последниот период само ја зголемуваше предноста.
Натпреварот заврши со хаос на теренот, во кој Никола Јокиќ ги загуби нервите во последните секунди, по еден нефер потег на МекДениелс кој кога сите застанаа со игра постигна кош за Минесота. По ваквиот потег, популарниот „Џокер“ не можеше да се воздржи и дојде до физички контакт и хаос на теренот. На крајот за оваа мешаница Јокиќ и Рендл беа исклкучени од натпреварот.
Денвер не успеа да го искористи тоа што во текот на мечот се повреди првата ѕвезда на домашната екипа Ентони Едвардс, па е пред елиминација уште во првата рунда од Плеј-оф фазата. Кај домашниот тим Досунму блескаше со 43 поени и стана најефикасен резервен играч на еден натпревар во последните 50 години. Кај гостите Мари постигна 30 поени, а Јокиќ забележа 25 поени, 15 скока и 9 асистенции.
Во вториот натпревар вечерва, Њу Јорк славеше лесна победа на гостувањето кај Атланта со резултат 98:114. Без поголеми проблеми гостите го имаа вотството во текот на мечот и израмнија во серијата на 2-2. Ануноби кај гостите постигна 22 поени и 10 скокови, а го следеше Таунс со трипл-дабл, забележувајќи 20 поени, 10 скокови и 10 асистенции. Во поразената екипа најпрецизен беше МекКолум со 17 поени.
Во следните два натпревари серијата се сели во Денвер и Њу Јорк.
Jaden McDaniels scores the layup instead of running out the clock, Nikola Jokic runs all the way from the other side of the court to face him, bumps him, as McDaniels grabs Jokic's jersey, a kerfuffle ensues.
Nikola Jokic and Julius Randle get ejected from the game
I haven't… pic.twitter.com/uxgjQdGAHp
— MrBuckBuck (@MrBuckBuckNBA) April 26, 2026
