Урош Медиќ приреди вистинско шоу на историскиот UFC настан во Белград, откако за само 30 секунди со разорен лев удар го нокаутира искусниот Даниел Родригез и ја забележа четвртата победа во низа. Српскиот борец уште пред мечот најавуваше дека е подготвен за еден од своите најдобри настапи, а по експресниот триумф истакна дека очекувал борбата да заврши со еден силен удар.

„Бев подготвен, брз и максимално фокусиран. Знаев дека еден прецизен удар може да биде доволен. Сега се надевам на голем предизвик, бидејќи мојата цел е да стигнам до UFC титулата и појасот да го донесам во Србија“, изјави Медиќ.

Победата доби дополнителна тежина бидејќи беше остварена пред домашната публика, која со овации го поздрави својот миленик на првиот UFC спектакл организиран во Белград.