Македонската фудбалска репрезентација влегува во новиот циклус со свежа енергија и нови имиња кои би можеле да донесат поинаков квалитет во составот. Новиот селектор Гоце Седлоски не сака да губи време и уште на стартот отвора простор за фудбалери кои со своите настапи во последниот период го привлекоа вниманието. Покрај искусните репрезентативци, во плановите на селекторот ќе се најдат и млади играчи со голем потенцијал. Македонија така би можела да добие две интересни опции од силни европски клубови.

Станува збор за Матеј Гаштаров кој според најавите ќе биде на списокот на Седлоски за претстојните репрезентативни обврски. Гаштаров во изминатиот период направи чекор напред во својата кариера и успеа да се наметне во плановите на Црвена Звезда. Младиот фудбалер со своите настапи го привлече вниманието, а неодамна стигна и до првенецот во дресот на белградскиот гигант. Потоа доби минутажа и на натпреварот против Чукарички, што дополнително ја потврди неговата добра форма.

Таквите настапи очигледно биле доволни за Седлоски да му испрати повик во сениорската репрезентација. Гаштаров би требало да биде нова опција во офанзивниот дел од тимот и да внесе дополнителна конкуренција во составот.