Шпанскиот возач Марк Маркез приреди вистинско спортско чудо на патеката „Балатон Парк“ во рамките на Мото ГП шампионатот. Иако зад себе имаше пеколен месец со скршено стопало и операција на рамото, а воедно доживеа и пад на почетокот на квалификациите, тој успеа да се врати и да ја освои својата 76-та пол позиција во кариерата. Со фантастичен круг во финишот, тој го победи Педро Акоста за само 53 илјадити делови од секундата, најавувајќи голем викенд во Унгарија.

Шпанскиот возач потоа ја претвори првата стартна позиција во сурова доминација за време на спринт трката, каде што водеше уште од самиот старт и брзо се одлепи од конкуренцијата. На патеката каде што високите температури донесоа сериозна загриженост за издржливоста на гумите, Маркез покажа врвна зрелост, паметно го контролираше темпото и ја зголеми предноста на сигурни две секунди. На крајот тој рутински стигна до својот трет спринт триумф во сезоната, оставајќи ги зад себе на подиумот Педро Акоста и лидерот во шампионатот, Марко Безеки.

Безеки останува лидер во генералниот пласман со 180 бода, на втората позиција е Мартин со 160, додека третопласиран е Фабио Ди Џанантонио со 134 освоени бода.