Светското првенство трет пат по ред минува без четирикратниот планетарен шампион Италија, нешто што до пред некоја година беше незамисливо за фудбалскиот свет. По болните елиминации од Шведска за Русија и од Македонија за Катар, „аѕурите“ овојпат беа сопрени од Босна и Херцеговина. Колку тешко им паѓа овој нов дебакл на италијанските фудбалери најдобро отсликува последната изјава на дефанзивецот на Рома, Џанлука Манчини.

Искусниот 30-годишен стопер призна дека воопшто нема сила да ги прати натпреварите кои моментно се играат во Северна Америка. Тој откри дека болката е едноставно преголема за да изгледа еден цел натпревар, па затоа ги погледнува само постигнатите голови. Манчини е свесен дека кризата во нивниот фудбал е длабока и порача дека кога по ред ќе пропуштиш три Мундијал, тогаш проблемот не е само во младинските категории или кај тренерите, туку е потребен сериозен системски ремонт за Италија да се врати таму каде што припаѓа.

Покрај репрезентативната тага, столбот на одбраната на „волчицата“ проговори и за својата иднина во Рим, со оглед на тоа што актуелниот договор му истекува за една година. Манчини потенцираше дека е комплетно смирен и дека преговорите со раководството на Рома се веќе во тек. За него најважно е што клубот по долга и мачна пауза конечно избори пласман во Лигата на шампионите, цел на која тој беше максимално фокусиран во изминатиов период на теренот.