Манчестер Сити постигна целосен договор со Лил за трансферот на младиот марокански играч од средниот ред, Ајуб Буади. Англискиот гигант за овој потпис ќе плати првични 95 милиони евра плус уште пет милиони преку бонуси, а фудбалерот ќе се обврзе на верност со договор до 2031 година, со опција за дополнителни 12 месеци. Неговото пристигнување е дел од темелната реконструкција во средниот ред по продажбата на Родри во Барселона, како и заминувањата на Бернардо Силва и Рејндерс.

Буади ги воодушеви фудбалските експерти со своите партии за репрезентацијата на Мароко на Светското првенство, каде што беше еден од клучните играчи во патот до четвртфиналето. Во клупската кариера, тој влезе во историјата на Лил како најмлад дебитант на возраст од само 16 години, а во изминатата сезона запиша 42 настапи во сите натпреварувања. Иако настапуваше за младинските категории на Франција, Буади реши во сениорската кариера да ги брани боите на Мароко, каде што веќе го потврди својот огромен потенцијал.