Даниел Малдини и официјално ja напушта Аталанта и кариерата ќе ја продолжи во Калјари, каде што пристигнува на позајмица со можност за откуп на договорот. Калјари за позајмицата ќе плати еден милион евра, додека во договорот е вклучена опција за откуп вредна 8+1 милиони евра. Доколку италијанскиот клуб ја активира клаузулата, Малдини би потпишал петгодишен договор со тимот од Сардинија.

За 24-годишниот офанзивец ова ќе биде седмиот клуб во Серија А. Покрај Милан и Аталанта, тој настапуваше и за Специја, Емполи, Монца и Лацио. Малдини во Аталанта пристигна во почетокот на 2025 година за 13 милиони евра, а за тимот од Бергамо запиша три гола на 22 натпревари. Исто така, има и шест настапи за репрезентацијата на Италија.