Трката за Големата награда на Велика Британија заврши разочарувачки за Макс Верстапен, кој беше принуден да се повлече само неколку круга пред целта додека се бореше за место на подиумот. Возачот на Ред Бул излета од патеката поради технички проблем со болидот, а инцидентот ја заврши трката зад безбедносното возило. Четирикратниот светски шампион по завршувањето на трката откри дека причината за излетувањето било неисправно задно крило, кое не функционирало како што треба во клучен момент. Според него, загубата на потисната сила го направила болидот неконтролибилен, а ситуацијата можела да има многу посериозни последици.

Верстапен призна дека ова не е првпат во краток период да се соочи со опасен инцидент и истакна дека ваквите проблеми стануваат неприфатливи за тим со шампионски амбиции. Од Ред Бул веднаш реагираа, а тимскиот шеф Лоран Мекис порача дека целосно го разбира незадоволството на својот возач. Тој потенцираше дека екипата детално ќе го анализира проблемот и ќе направи сè што е потребно за да не се повтори сличен дефект на следните трки.