Македонската ракометна репрезентација немаше многу среќа на денешната ждрепка за Светското првенство кое следниот јануари ќе се одржи во Германија. Избраниците на селекторот Кирил Лазаров се најдоа во групата Х, а своите натпревари ќе ги играат во Магдебург.

Иако од првиот шешир ја избегнавме апсолутната светска елита и го добивме Исланд, среќата ни сврте грб кај најслабо рангираните селекции. Од последниот шешир за противник ја добивме Јапонија, дефинитивно најквалитетниот тим од тој ранг, а друштво во групата ќе ни прави уште и селекцијата на Бахреин.

Реалните математики велат дека Бахреин е противник кој Македонија мора да го победи за да го завери пласманот во Топ 3 и да патува во следната фаза. Сепак, главната цел на Лазаров ќе биде да се откине бод или победа против Исланд и незгодните Јапонци, со цел да пренесеме бодови во главната рунда. Таму, трите најдобри од нашата група ќе се вкрстат со гигантите од групата Г, каде се сместени Данска, Словенија, САД и Ангола.