Лука Дончиќ продолжи да ја доминира НБА лигата, испорачувајќи уште една монструозна партија во победата на Лос Анџелес Лејкерс над Сакраменто Кингс од 116:103. Словенечкиот кошаркар го запиша третиот последователен меч со над 40 поени, но и покажа кој е „главен“ во салата кога ситуацијата ескалираше во публиката.
LUKA DROPS 40 FOR A THIRD-STRAIGHT TIME 😂🔥
40 IS REGULAR FOR LUKA DONCIC. MVP CAMPAIGN CONTINUES 💰 https://t.co/U9wTZRIxgQ
— NBA on ESPN (@ESPNNBA) November 5, 2026
Клучниот момент се случи во втората четвртина при резултат 46:46, кога Дончиќ самостојно влезе во серија од 11-0, погодувајќи три тројки по ред за да го одлепи својот тим на двоцифрена разлика уште пред паузата.
Напнатоста достигна врв во третиот период кога еден гледач од првиот ред агресивно ја фрли топката кон судијата Челиса Пејнтер. Дончиќ веднаш му пријде, влезе во вербална пресметка со него и им сигнализираше на редарите, по што обезбедувањето без размислување го исфрли навивачот од салата.
A fan sitting courtside hits the female ref with the ball and gets ejected.
Luka Doncic: “What the f*ck are you doing?”
https://t.co/wKwD3ITIKR— Hater Report (@HaterReport) November 5, 2026
Дончиќ го заврши мечот со 40 поени, 9 скока, 7 асистенции и 6 погодени тројки. Со тоа стигна до вкупно 308 поени на првите осум натпревари од сезоната, подвиг кој на кошаркарските терени не е виден уште од сезоната 1988/89, кога легендарниот Мајкл Џордан последен пат ја проби границата од 300 поени во истиот период.
Кај победниците Остин Ривс додаде 21 поен за биланс од 7-2 на Лејкерс, додека кај Кингс се истакна Ејкаф со 22 поени и 12 асистенции.
НБА резултати:
Детроит – Филаделфија 106:112
Вашингтон – Атланта 105:120
Бостон – Милвоки 109:102
Бруклин – Шарлот 114:104
Њујорк – Чикаго 135:105
Мемфис – Индијана 103:107
Њу Орлеанс – Јута 120:113
Оклахома – Кливленд 124:116
Хјустон – Минесота 107:117
Денвер – Торонто 128:109
Финикс – Портланд 119:132
Сан Антонио – Далас 112:111
ЛА Клиперс – Мајами 116:117