Љупче Дориев продолжува да игра во одлична форма во Узбекистан, откако денеска во победата на Согдиана над Машал Муборак со 3-0 запиша гол и асистенција. Македонскиот фудбалер најпрво во 33. минута му асистираше на Ивановиќ за голот за 2-0, а потоа и самиот се запиша во листата на стрелци на стартот од второто полувреме. Дориев погоди во 52. минута за 3-0 и уште еднаш потврди дека се наоѓа во фантастична голгетерска форма.

За македонскиот офанзивец ова беше само продолжение на одличната сезона. По 20 одиграни кола, Дориев е најдобар стрелец во првенството со 14 постигнати голови, а има и пет асистенции. Сепак, и покрај неговата индивидуална форма, Согдиана моментално се наоѓа на десеттата позиција на табелата.