Роберт Левандовски ја имаше својата најдобра вечер откако пристигна во американската МЛС лига. Полскиот голгетер со два погодоци беше најзаслужен за победата на Чикаго од 2:1 против Шарлот, со што ги постигна и своите први голови во новиот дрес. Гостите први поведоа преку Пеп Биел, но Левандовски брзо возврати и го израмни резултатот. Во второто полувреме искусниот напаѓач уште еднаш се најде на вистинското место и со својот втор погодок го комплетираше пресвртот за домашниот тим.

Во уште еден интересен натпревар, Ванкувер и Лос Анџелес ФК ги поделија бодовите играјќи 1:1. Хјонг-Мин Сон го доведе гостинскиот состав во водство, додека Томас Милер од пенал донесе израмнување за канадскиот клуб. Вниманието беше насочено и кон натпреварот на Интер Мајами, каде што Лионел Меси се врати на терените по паузата. Аргентинецот влезе во игра во второто полувреме, но неговиот тим не успеа да ја сочува предноста и ремизираше 2:2 против Колумбус, кој до бод стигна со погодок во самиот финиш на средбата.