Фудбалерите на Ленс го освоија првиот Суперкуп на Франција во клупската историја, откако го совладаа ПСЖ со 1:0. Стрелец на единствениот и одлучувачки погодок беше Флоријан Товен во 32. минута по центаршутот на Матје Удол, со што му го донесе и првиот трофеј на новиот тренер Дино Топмелер.

Само седум минути по водечкиот гол, Ленс се најде во огромни проблеми откако Килијан Антонио заработи директен црвен картон, но тимот успеа да издржи со играч помалку под жестокиот притисок на парижаните. Неговите соиграчи и голманот Робин Рисер, кој запиша шест одлични одбрани, ги неутрализираа сите напади на ПСЖ, чија нервоза кулминираше во 87. минута кога и Нуно Мендеш беше исклучен поради удар со лакт. По освојувањето на Францускиот куп во мај, Ленс додаде уште еден историски пехар во своите витрини, додека ПСЖ го претрпе првиот неуспех само неколку дена по освојувањето на Суперкупот на Европа.