Новата сезона во НБА ќе започне на 20 октомври, а уште на самиот старт во центарот на вниманието ќе биде Леброн Џејмс. Според информациите на Шамс Чаранија, „Кралот“ ќе го има официјалното деби во дресот на Филаделфија на гостински терен кога ќе се соочи со актуелниот шампион Њујорк Никс.

Ова ќе биде четвртиот НБА клуб во кариерата на Леброн, кој по Кливленд, Мајами и Лос Анџелес Лејкерс ќе заигра и за Филаделфија. На првиот ден од сезоната ќе се одигра и реприза од финалето на Западната конференција меѓу Сан Антонио Спарс и Оклахома Сити Тандер.

Познат е и дел од програмата за 25 декември. На Божиќ ќе се одиграат пет натпревари, меѓу кои и дуелот Голден Стејт – Денвер, што значи нова пресметка на Стеф Кари и Никола Јокиќ. Особено внимание ќе привлече и гостувањето на Леброн со Филаделфија кај неговиот поранешен клуб Лос Анџелес Лејкерс. На програмата се и дуелите Њујорк – Сан Антонио, Мајами – Бостон и Оклахома Сити – Минесота. Целосниот распоред за сезоната 2026/27 се очекува да биде објавен во наредните денови.