Легендарниот Шекил О’Нил смета дека доаѓањето на Леброн Џејмс во Филаделфија може негативно да влијае врз развојот на Тајрис Макси. Според него, Макси конечно се наметнал како еден од лидерите на тимот, но со пристигнувањето на Леброн, Џејлен Браун и враќањето на Џоел Ембид во полн ритам, неговата улога би можела значително да се намали. О’Нил истакна дека не се согласува со критиките дека Леброн е „ловец на прстени“, туку верува дека ветеранот само сака да ја продолжи својата успешна кариера и да се бори за уште една шампионска титула.

Сепак, тој потенцира дека во тим со толку многу големи ѕвезди, не може секој да биде во прв план. Според Шек, токму Макси би можел да биде играчот кој ќе мора најмногу да се жртвува за доброто на екипата.

Легендарниот центар потсети дека и самиот во финишот од кариерата прифатил поинаква улога во обид да освои уште една титула, па затоа целосно го разбира потегот на Џејмс. Воедно нагласи дека најголем предизвик за тренерот ќе биде правилно да ги распредели улогите меѓу четворицата големи имиња во составот. И покрај дилемите, О’Нил верува дека Филаделфија има квалитет да биде еден од главните кандидати за шампионската титула во новата НБА сезона.