Македонската ракометна репрезентација добива ново име во своите редови во обид да го подигне квалитетот и да биде поконкурентна на големата сцена. Пристигнувањето на Дмитро Горига отвора нови можности за селекторот Кирил Лазаров, кој смета дека украинскиот бек може да биде важен дел од тимот, особено на големите натпреварувања.

„Хориха е играч со силен шут од надворешните позиции, добар е во двата правци и поседува победнички карактер. Верувам дека со него ќе бидеме поквалитетни, иако ќе ни треба малку време за да го вклопиме во системот. На Европските и Светските првенства, кога се игра речиси секој втор ден, неговото присуство може да ни биде особено значајно“, истакна Лазаров.

Селекторот откри дека Горига покажал голема желба да настапува за Македонија, а позитивна реакција за одлуката имало и од капитенот на националниот тим. Украинскиот ракометар, кој претходно настапуваше за Вардар, сега го носи дресот на унгарскиот ПИК Сегед, со кој игра и во Лигата на шампионите.

Македонија во ноември ги започнува квалификациите за Европското првенство со дуел против Луксембург на 4 ноември, а четири дена подоцна ќе гостува кај Грција. Во групата е и Шведска.