Филипе Кутињо и официјално има нов клуб. Искусниот бразилски фудбалер стави потпис на договор со Сантос, каде што ќе остане до крајот на календарската година. За 34-годишниот Кутињо ова претставува ново поглавје во кариерата, но и можност повторно да заигра покрај добро познато лице. Во дресот на Сантос ќе се сретне со Нејмар, со кого претходно беше соиграч во репрезентацијата на Бразил.
Кутињо во Сантос пристигнува како слободен фудбалер, откако на почетокот од годината го напушти Васко да Гама. Поранешниот играч на Ливерпул и Барселона во продолжението од сезоната ќе се обиде да се наметне во составот на клубот и да му помогне со своето искуство. Неговото пристигнување е уште едно интересно засилување за Сантос, кој во своите редови повторно ги има две добро познати бразилски имиња од европската фудбалска сцена.
PHILIPPE COUTINHO É DO SANTOS! 🎩⚪⚫
O Santos Futebol Clube acertou a contratação de Philippe Coutinho para a sequência da temporada. Com reconhecida qualidade técnica e visão de jogo, além de carreira vencedora na Europa e na Seleção Brasileira, o meia chega ao Peixe com… pic.twitter.com/Jd77ZjiH8G
— Santos FC (@SantosFC) September 14, 2026