Кристијано Роналдо уште еднаш докажа дека е единствен во фудбалската историја со најновиот импресивен рекорд во својата богата кариера. Познатиот шпански спортски весник „Марка“ пресмета дека Португалецот стана единствениот играч во светот со таканаречен „дупли покер“. Ова огромно признание пристигна откако искусниот напаѓач конечно ја освои шампионската титула во Саудиска Арабија со тимот на Ал Наср.

Овој уникатен голгетерски статус значи дека тој успеал да биде i шампион и најдобар стрелец во четири различни лиги. Роналдо во својата богата колекција има три титули со Манчестер Јунајтед, две со Реал Мадрид, две со Јувентус и сега една со Ал Наср. Во сите овие четири национални првенства легендарниот фудбалер во минатото ја освојуваше и наградата за најдобар стрелец во сезоната.

По големото славење на Блискиот Исток, португалскиот напаѓач веднаш ги насочува своите мисли кон следните два големи зацртани предизвици. За само три недели официјално започнува Светското првенство во Америка, Канада и Мексико. На овој голем турнир тој ќе го нападне единствениот голем трофеј што му недостига во кариерата.

Кристијано во моментов има постигнато 974 голови и се наоѓа многу блиску до уривање на магичната граница од 1.000 погодоци. Сите нови голови на претстојниот Мундијал дополнително ќе го приближат до овој неверојатен рекорд, но и до остварување на неговиот најголем репрезентативен сон.