Колумбискиот репрезентативец Хаминтон Кампаз не отпатува со националниот тим назад во Богота по елиминацијата од Светското првенство, а причината, според повеќе медиуми, се сериозните закани што ги добил по натпреварот со Швајцарија. Фудбалерот се најде на удар на јавноста откако не искористи голема можност во текот на мечот, по што Колумбија беше елиминирана по изведувањето пенали. По натпреварот, на социјалните мрежи и преку други канали почнале да пристигнуваат закани, кои наводно биле упатени и кон неговото семејство.

Кампаз јавно повика на смиреност и меѓусебна почит, нагласувајќи дека ниту еден спортски неуспех не смее да биде причина за омраза или насилство. Сепак, според информациите, од безбедносни причини решил привремено да не се врати во Колумбија заедно со остатокот од репрезентацијата. Случајот повторно ги отвори сеќавањата на трагичната судбина на Андрес Ескобар, колумбискиот репрезентативец кој беше убиен по Светското првенство во 1994 година, поради што актуелните закани предизвикаа дополнителна загриженост во спортската јавност.